Sh.Aımanov atyndaǵy «Qazaqfılm» AQ qańtar aıyndaǵy oqıǵalar týraly qysqa metrajdy «Qańtar» fılmin túsirgen úzdik rejısser - Álisher Jádigerovke arnaıy júlde tabys etti. Jas rejısser kelesi tolyqmetrajdy kórkem fılmin kınostýdııamen birlesip jasaǵan jaǵdaıda tolyq tehnıkalyq qoldaý múmkindigine ıe bolady.
Marapatty tabystaı otyryp, kınostýdııa prezıdenti Aqan Sataev «Baıqońyr» festıvali jyl saıyn jas talanttardy qoldap, kınematografııa salasyndaǵy jas daryndarǵa jol ashatynyn aıtty.
«Qazaqfılmniń osy festıvalge at salysqanyna qýanyshtymyn. Bizdiń júlde meniń jas áriptesterime óz qabiletteri men armandaryn júzege asyrýǵa kómektesedi dep senemin», dedi A.Sataev.
Bul Álisherdiń halyqaralyq kınofestıvalderdegi alǵashqy marapaty emes. Jádigerovtiń buǵan deıingi «Otaý» jáne «Balyq sorpa» qysqametrajdy fılmderi Ońtústik Koreıa, Portýgalııa, Iran, Túrkııa jáne Italııadaǵy halyqaralyq kınofestıvalderdiń júldegeri atandy. Al «Karantın» derekti fılmi 5-shi Baiqonyr ISFF baıqaýynda «Eń úzdik derekti fılm» dep tanyldy. Sol saıysta ol ssenarııler pıtchınginiń jeńimpazy atanyp, óziniń alǵashqy tolyqmetrajdy «Otaý» kartınasyn túsirdi. Dál sol kartına bıylǵy «Synshylar tańdaýy» baıqaýynda Qazaqstannyń kınokrıtıkter qaýymdastyǵynyń nusqasy boıynsha 2020-2021 jyldardyń «Úzdik debıýt» nomınasııasynda jeńimpaz atandy.
Kınofestıvaldiń ulttyq baıqaýynyń «Úzdik fılm» nomınasııasyndaǵy basty marapatty rejısser Mıhaıl Plıskonyń «Rýh» qysqametrajdy kartınasy aldy. Fılm ómirdiń mánin materıaldyq paıdadan kóretin Erǵalym esimdi orta jastaǵy júrgizýshiniń oqıǵasyn baıandaıdy.
Halyqaralyq baıqaýda Saha respýblıkasynan (RF) rejısser Illarıon Iаkovlevtiń «Taksı júrgizýshisi» kartınasy Gran-prıge ıe boldy. Bul jumbaq jolaýshyny kezdestirgen Tolı júrgizýshisiniń oqıǵasy jaıly fılm.
Anımasııalyq baıqaýda Dılshat Rahmatýllınniń «Besik jyry» atty týyndysy úzdik atandy.
«VII Baiqonyr-dyń kóptegen qıyndyqtarǵa qaramastan bıyl ótkenine óte qýanyshtymyn. Osy jyly biz tek TMD elderinen ǵana emes, Ońtústik Koreıadan da jańa qonaqtardy qarsy aldyq. Jańa 23 laýreat bar. Sondaı-aq bıyl jańa anımasııalyq konkýrs qostyq. Barlyqtaryńyzben kelesi jyly da kezdesýge jazsyn!», dedi «Baıqońyr» festıvaliniń prezıdenti Ánýar Kenjebaev.
VII Baiqonyr International ShortFilmFestival jeńimpazdarynyń tolyq tizimi:
Ulttyq baıqaý:
Úzdik fılm - «Rýh», rejısseri Mıhaıl Plısko
Úzdik rejısser - Álisher Jádigerovke, «Qańtar»
Úzdik ssenarıı - Ińkár Erkinqyzy, «Qasen men Qusaıyn»
Úzdik operator - Baǵdat Argınov, «Lastochka»
Úzdik qoıýshy sýretshi - Altynaı Qumarbekova «Qyzyl alma»
Úzdik montaj - Alen Kenemoldın «Detskıe rısýnkı»
Úzdik akter - Nurdáýlet Almatuly, «Chıken»
Úzdik aktrısa - Aqmaral Zyqaeva «Qus»
Úzdik derekti fılm - «Nevıdımkı», rejısseri Vıktorııa Shegaı
Qazylar alqasynyń arnaıy júldesi - «Uıqym keldi», rejısseri Temirlan Saǵymbaev
Qazylar alqasynyń ataýy - «Aybat», rejısseri Meırambek Saǵynov
Halyqaralyq baıqaý:
Úzdik fılm - «Taksı júrgizýshisi» (Saha Respýblıkasy), rejısseri Illarıon Iаkovlev
Úzdik rejısser - Teljan Nurmahan «Qora» (Qazaqstan)
Eń úzdik derekti fılm - «Slıshkom bolshoı» (Tájikstan), rejısseri Abdýllo Gýrbatı
Qazylar alqasynyń arnaıy júldesi - «Jızn bez vesny» (О́zbekstan), rejısseri Shokır Holıkov
Úzdik operator - Anna Shepılova, «Segodnıa ıa veshalsıa» (Reseı-Armenııa)
Úzdik aktrısa - Alısa Lozovskaıa, «Parallelı» (Reseı)
Úzdik akter - Rahat Jumahanov «Qora» (Qazaqstan)
Anımasııalyq baıqaý:
Úzdik fılm - «Besik jyry», rejısseri Dılshat Rahmatýllın
Eń jaqsy kórneki sheshim - «Ostrye predmety», rejısseri Ámına Tazıatova
Eń jaqsy oqıǵa - «Ishý naslednıka doma», rejısseri Marjan Jubanysh
Úzdik eksperımentaldy fılm - «Pshık», rejısseri Álibı Muqyshev
Qazylar alqasynyń arnaıy júldesi - «Vospomınanıe o ıablone», rejısseri Lınara Mırgalıeva.
Esterińizge sala keteıik, festıvaldiń baıqaý baǵdarlamasyna barlyǵy 306 kınojoba úmitker boldy. Olardyń ishinde baǵdarlamalyq qyzmet Qazaqstan, О́zbekstan, Qyrǵyzstan, Ázerbaıjan, Tájikstan, Armenııa jáne Reseıden 48 fılmdi iriktep aldy.
