О́ńdeý ónerkásibi 4,8%-ǵa, mashına jasaý 8%-ǵa derlik, onyń ishinde lokomotıvter men vagondardy óndirý 11,5%-ǵa ósti. О́ńdeýshi sektorda hımııa ónerkásibi 12%-ǵa, jeńil ónerkásip 7,5%-ǵa, metallýrgııa – 5%-dan astam jáne munaı óńdeý 4%-ǵa ósip, joǵary dınamıkany kórsetti.
Taý-ken ónerkásibinde kómir óndirý 2,2%-ǵa, tabıǵı gaz óndirý 3%-ǵa jáne ken óndirý 5%-dan astam ulǵaıyp, turaqty ósim tirkelip otyr. Qurylys sektorynda 7,5% ósim bar jáne 8,8 mln sharshy metr turǵyn úı paıdalanýǵa berildi. Aýyl sharýashylyǵynda 4,3% turaqty ósim qalyptasty. Qyzmet kórsetý salasynda saýda 5,2%-ǵa, kólik 5,5%-ǵa jáne baılanys 6,6%-ǵa ósti.
«Segiz aıdyń qorytyndysy boıynsha barlyq negizgi kórsetkish Aqmola, Qaraǵandy, Qostanaı oblystary men Shymkent qalasynda ósip otyr. Ákimdikter óńir ekonomıkasynyń ósý qarqynyn tómendetpeýi kerek. Sonymen qatar tamyz aıynyń qorytyndysy boıynsha elimizde jyldyq ınflıasııa 16%-dan asyp ketti», dedi Álıhan Smaıylov.
Úkimet basshysy áleýmettik mańyzy bar azyq-túlik taýarlarynyń baǵasyn turaqtandyrý, azyq-túlik ónimderiniń óndirisin yntalandyrý jáne ishki naryqty tolyqtyrý boıynsha jumystardy kúsheıtýdi tapsyrdy.
