Memlekettik kirister komıteti ózin-ózi retteý jáne qoǵamdyq baqylaý quraldaryn jandandyrý úshin 2020 jyldyń mamyr aıynan bastap «Azamattyq baqylaý - chekti talap et» aksııasyn ótkizýde. Atalǵan aksııa aıasynda azamattar baqylaý-kassa mashınasynyń fıskaldy cheginiń berilmegeni jáne bank kartasyn qabyldaýdan bas tartqany týraly habarlaı alady.
«Azamattyq baqylaý - chekti talap et» aksııasyna kez-kelgen nıet bildirýshi qatysa alady. Barlyq jiberilgen ótinishterdi Memlekettik kirister organdary qaraıdy.
Fıskaldy chekti bermeý jáne bank kartasyn qabyldaýdan bas tartý faktileri týraly App Store jáne Play market-ten «Wipon cashback» tegin mobıldi qosymshasyn júkteý arqyly habarlaýǵa jáne buzýshylyq faktisi rastalǵan jaǵdaıda telefon teńgerimine syıaqy alýǵa bolady.
Aǵymdaǵy jyly aksııa bastalǵannan beri azamattardyń habarlaýy boıynsha 11,3 myń buzýshylyq faktisi rastaldy, olarǵa 11,3 mln teńge somasynda syıaqy tólendi.
Mundaı buzýshylyq úshin alǵashynda eskertý beriledi, al eger zań buzýshylyq bir jyldyń ishinde qaıtalansa, kásipkerge aıyppul salynady. Aıyppul mólsheri kásipkerlik sýbektisiniń ólshemine (shaǵyn, orta, iri) baılanysty bolady.
Jyl basynan beri zań buzýshylyqty qaıtalaǵany úshin 474 kásipkerge 14,6 mln teńgege aıyppul salyndy.
Memlekettik kirister komıteti Qazaqstan Respýblıkasynyń barlyq azamattaryn ózderiniń azamattyq ustanymdaryn bildirýge, zańdy buzýǵa nóldik tózimdilik tanytýǵa jáne «Azamattyq baqylaý – chekti talap et» aksııasyna belsendi qatysýǵa shaqyrady.
