Japarov qazirgi álemdegi geosaıası jaǵdaıdyń shıelenisýi jaǵdaıynda BUU Jarǵysynda bekitilgen joǵary maqsattar men mindetterdi, atap aıtqanda halyqaralyq beıbitshilik pen qaýipsizdikti saqtaý mańyzdy ekenin eske saldy.
Qyrǵyz kóshbasshysy qyrǵyz-tájik shekarasyndaǵy jaǵdaıdyń kezekti shıelenisýi aıasynda óńirde qalyptasqan jaǵdaıdy baıandap berdi. Ol óz sózinde Qyrǵyzstan 1996 jyly QHR-men jáne 1999 jyly úsh eldiń memlekettik shekaralarynyń túıisý núktesi týraly Qazaqstanmen shekaralyq retteý máselelerin sátti aıaqtaǵanyn da sóz etti.
«Biz qazir birlesken jumysty tolyǵymen aıaqtadyq jáne О́zbekstan Respýblıkasymen Memlekettik shekara týraly shartqa qol qoıýǵa ázirmiz», dedi ol.
S.Japarovtyń aıtýynsha, qyrǵyz tarapy Tájikstanmen shekaralyq máselelerdi retteý boıynsha jumys barysynda ózine alǵan halyqaralyq mindettemelerge tolyq sáıkes áreket etken.
«Osy jyldyń 14, 15 jáne 16 qyrkúıeginde Qyrǵyzstannyń ońtústiginde aýqymdy áskerı qaqtyǵystar bolǵanyn habarlaý maǵan aýyr tıdi. Buǵan deıin qol jetkizilgen barlyq ýaǵdalastyqtardy buza otyryp, tájik tarapy qyrǵyz-tájik memlekettik shekarasynyń búkil perımetri boıynsha shekaralyq jáne azamattyq obektilerge shabýyl jasady», dedi ol.
Japarov Qyrǵyzstan tájik tarapymen kez kelgen formatta kelissózder prosesin jalǵastyrýǵa daıyn ekenin málimdedi.
«Kórshilerimizdiń zańǵa qaıshy sońǵy áreketteriniń nátıjesinde bizdiń senimimiz álsiregenin atap ótý qajet. Degenmen, biz BUU, EQYU, UQShU qosa alǵanda, kelissózderdi jalǵastyrýǵa jáne halyqaralyq deldaldyqqa daıynbyz», dedi ol.
