«2022 jylǵy 21 qyrkúıekte Astana qalasynyń «Nursultan Nazarbaev» halyqaralyq áýejaıynda «Áýejaı-Astana keden beketinde Dýbaıdan kele jatqan halyqaralyq áýe reısi jolaýshylaryn kedendik baqylaýdan ótýi kezinde keden beketiniń qyzmetkerleri QR UQK Shekara qyzmetiniń qyzmetkerlerimen birlesip, satylymǵa shyǵarylmaǵan 11 dana kóleminde deklarasııalanbaǵan IPHONE 14 PRO markaly uıaly telefondardy ákelý áreketin anyqtady», delingen habarlamada.
QR QM 2015 jylǵy 31 naýryzdaǵy № 250 buıryǵyn sáıkes jeke tulǵalar Keden odaǵynyń kedendik shekarasy arqyly ótkizetin taýarlardy jeke paıdalaný úshin jatqyzý krıterıılerimen uıaly telefondar – 1 adamǵa 2 birlikten aspaýy tıis.
Ustalǵan uıaly telefondar kedendik tazartýdan ótý úshin ýaqytsha saqtaý qoımasyna ornalastyrylady.
Osylaısha, QR azamaty uıaly telefondardy deklarasııalamaǵany úshin ákimshilik jaýapkershilikke tartylady.
Qazirgi ýaqytta «Áýejaı-Astana» keden beketi baqylaýdy kúsheıtip, deklarasııalanbaǵan telefondardy alyp júrýdiń jolyn kesý boıynsha Astana áýejaıynyń aralas qyzmetterimen tekserý is-sharalaryn júrgizýde.
