Álem • 24 Qyrkúıek, 2022

Iranda narazylyq aksııalary jalǵasyp jatyr

107 ret kórsetildi

Iranda hıdjabty durys kımegeni úshin polısııa ustap áketken, keıin ýaqytsha ustaý ızolıatorynda qaıtys bolǵan 22 jastaǵy Mahsa Amınıdiń ólimine qatysty narazylyq basylar emes, dep habarlaıdy Egemen.kz.

Polıseıler Mahsa Amınıdi 13 qyrkúıekte ustaǵan. Tártip saqshylarynyń aıtýynsha, júrek aýrýyna baılanysty ony aýrýhanaǵa jetkizýge týra kelgen. Ol 16 qyrkúıekte sol jerde qaıtys boldy. Ony syrqatynan qaıtys boldy degenge týystary men jergilikti halyqtyń bir bóligi senbeıdi. Sol sebepti turǵyndar hıdjabty durys kımegeni úshin qamalyp, artynsha ajal qushqan qyzdyń taǵdyryna beı-jaı qaramaý kerek dep esepteıdi. 

22 qyrkúıekte túnde aıaqtalǵan narazylyq sharalary juma kúni keshke qaıta jalǵasqan.

Tegeran astanasynyń Mýtaharrı, Sattarhan jáne Sadyq aýdandarynda kóptegen aksııalar ótti. 

Qaýipsizdik kúshteri men sherýshiler arasynda ara-tura qaqtyǵystar da bolǵan. Sherýshiler qoqys konteınerlerin órtep, kedergiler ornatqan, al qaýipsizdik kúshteri kózden jas aǵyzatyn gaz ben taıaqtardy qoldanǵan. 

Iran Stýdentter keńesteriniń málimeti boıynsha, Tegeran ýnıversıtetiniń ustalǵan stýdentteriniń sany 30-ǵa jetken. 

Sonymen qatar, juma kúni elde ınternet óshirildi.

Sońǵy jańalyqtar

Ekibastuz: Taǵy 9 úıge jylý berildi

Aımaqtar • Búgin, 21:02

Senatorlar ózekti máselelerdi talqylady

Parlament • Búgin, 14:03

ÁCh 1/8 fınalynda kimder oınaıdy?

Fýtbol • Búgin, 12:40

Bir táýlikte 173 adam koronavırýs juqtyrǵan

Koronavırýs • Búgin, 11:02

Uqsas jańalyqtar