Aımaqtar • 26 Qyrkúıek, 2022

Salyqtan jaltarǵandar banktik qyzmetterdi ala almaıdy

217 ret kórsetildi

1 qazanda jeke tulǵalardyń múlik salyǵyn tóleý merzimi aıaqtalady. Osyǵan baılanysty 65 myńnan astam almatylyq banktik qyzmetterdi alý múmkindiginen aıyrylýy múmkin, dep habarlaıdy Egemen.kz qalalyq Memlekettik kirister departamentine silteme jasap.

Vedomstvo habarlaǵandaı, salyq tólemegen azamattar bank shottaryn ashý, aýdarym jasaý, nesıe rásimdeý jáne basqa da qyzmetterden aıyrylady.

«Jeke menshik quqyǵynda jeke úıleri, páterleri, saıajaı qurylystary, garajdary jáne ózge de qurylystary bar tulǵalar salyq tóleýshiler bolyp sanalady. Tóleý merziminiń aıaqtalýyna birneshe kún qalǵanyna qaramastan, 65 215 turǵyn jalpy somasy 945 mıllıon teńge salyq tólemegen. Tólenbegen salyqtyń eń iri somasy Bostandyq aýdanynyń turǵynyna tıesili, onyń bereshegi shamamen 15 mıllıon teńgeni quraıdy», dep habarlady qalalyq MKD.

Aıta ketsek, merzimi ótken árbir kún úshin Ulttyq bank belgilegen qaıta qarjylandyrýdyń resmı stavkasynyń 1,25 eselengen mólsherinde ósimpul esepteledi.

«Salyq organdary májbúrlep óndirip alý maqsatynda sot oryndaýshylaryna salyqtyq buıryqtardy jiberedi, olar boryshkerlerge qatysty sharalardy, onyń ishinde múlik pen bank shottaryna tyıym salý, sondaı-aq shetelge shyǵýǵa shekteý sharalaryn qoldanady. Salyqtardy tólemeýmen baılanysty jaǵymsyz jaǵdaılardy boldyrmaý úshin jaqyn kúnderi jeke tulǵalardyń múlik salyǵyn tóleýge shaqyramyz. Barlyq suraqtar boıynsha biryńǵaı baılanys ortalyǵyna 1414 nómiri boıynsha habarlasýǵa bolady», dep tolyqtyrdy departamentten.

Sońǵy jańalyqtar

Dollar baǵamy 3 teńgege kóterildi

Qarjy • Búgin, 16:38

Qazaq balýany ulyqtaldy

Qoǵam • Búgin, 14:36

6 jeltoqsan - Prokýratýra kúni

Qazaqstan • Búgin, 13:00

SQO-da 50 jylqy muz astynda qaldy

Aımaqtar • Búgin, 09:18

Ábsattar Derbisáli atyndaǵy dárishana

Aımaqtar • Búgin, 08:17

Qazaqstan tájirıbesi joǵary baǵalandy

Saıasat • Búgin, 08:15

Ashyqtyq – mańyzdy ustanym

Saıasat • Búgin, 08:10

Baǵa bulqynysy

Ekonomıka • Búgin, 08:09

Uqsas jańalyqtar