«Joǵary bilikti IT mamandaryn daıyndaý úshin beıindi ýnıversıtetter óńirlik joǵarǵy oqý oryndaryn óz qamqorlyǵyna aldy, grant arqyly oqytý keńeıip, 12 jeke menshik IT-mektep ashyldy. Jýyrda Nıý-Iorkke jasaǵan saparym aıasynda «Digital Nomads» IT-qaýymdastyǵyndaǵy jas otandastarymyzben kezdestim. Olar AQSh, Eýropanyń iri kompanııalarynda jumys isteıdi jáne jahandyq deńgeıde básekege qabiletti», dedi Prezıdent.
Sondaı-aq Memleket basyshy jastar qaı jerde jumys istese de, Úkimet olarǵa qoldaý kórsetýi kerek ekenin qadap aıtty.
«Qazirgi tańda Qazaqstanda da halyqaralyq deńgeıdegi ónimderdi jasaýǵa qabiletti talantty adamdar az emes. Sondyqtan Úkimetke kelesi mindetter qoıylady: bir jaǵynan, jastar qaı jerde jumys istese de, olarǵa qoldaý kórsetý kerek, al ekinshi jaǵynan, olardy elimizdegi sıfrlandyrý isine barynsha aralastyrý qajet», dep túıindedi Qasym-Jomart Toqaev.
