Qoǵam • 07 Qazan, 2022

Jýrnalıster arasyndaǵy jarys

67 ret kórsetildi

Halyqaralyq Taraz ınnova­sııalyq ınstıtýtynyń uıytqy bolýymen Halyq jazýshysy Sherhan Murtazanyń 90 jyldyq mereıtoıyna oraı bılıardtan BAQ ókilderi arasynda týrnır uıymdastyryldy. Bul dodada jas jýrnalıster men ardager jýrnalıster eki sanat boıynsha topqa tústi.

Bılıardtiń erkin pıramıda dep atalatyn túri boıynsha ótkizilgen dodanyń ashylý saltanatynda sóz sóılegen oqý ordasynyń prezıdenti, ob­lystyq máslıhattyń depýtaty Erbolat Saý­ryqov týrnır jyl saıyn dástúrli túrde uıym­das­tyrylatynyn tilge tıek etti.

Tilshiler arasyndaǵy týrnır tar­tysqa toly jaǵdaıda ótti. Jarys qor­tyndysynda kóptegen iri dodada júldeli oryndardan kórinip júrgen Shý aýdandyq «Shý óńiri» gazetiniń bas redaktory Erǵalı Qartaıǵan kezekti márte óziniń sheberligin dáleldep, jeńistiń eń bıik tuǵy­rynan kórindi. Ekinshi oryn oblystyq dene shynyqtyrý jáne sport basqarmasynyń bas­­­pasóz hatshysy Serik Táji­baı­ǵa buıyrsa, jas jýrnalıst Samat Satylǵanov úzdik úsh­tikti túıindedi. Ardagerler ara­syn­daǵy sa­ıysta belgili jýr­na­lıst, Qazaqstan Ja­zýshy­lar oda­ǵynyń múshesi Beket Mo­myn­quldyń asyǵy alshysynan tústi.

Týrnır barysynda úzdik oıyn órnegin kórsetken júl­degerler men ózge de jýrnalıster qaýymy arnaıy qarjylaı syılyqpen marapattaldy. Osylaısha, óńirdegi jalǵyz je­­kemenshik joǵary oqý orny Sher­aǵanyń mereı­toıyn eleýsiz qaldyrǵan joq. Dál osy bilim ordasynda «Sherhantaný» ǵylymı-zertteý ortalyǵy jumys istep turǵanyn aıta ketken jón. Qazan aıynyń sońynda ótetin Sheraǵanyń mereıtoıynda Halyq­aralyq Taraz ınnovasııalyq ınstıtýtyna Sherhan Murtazanyń esimi berilmek.

 

Taraz

Sońǵy jańalyqtar

Ekibastuz: Taǵy 9 úıge jylý berildi

Aımaqtar • Búgin, 21:02

Senatorlar ózekti máselelerdi talqylady

Parlament • Búgin, 14:03

ÁCh 1/8 fınalynda kimder oınaıdy?

Fýtbol • Búgin, 12:40

Bir táýlikte 173 adam koronavırýs juqtyrǵan

Koronavırýs • Búgin, 11:02

Uqsas jańalyqtar