«Qostanaı oblysynda oryn alǵan tabıǵı órtter joıyldy jáne olar boıynsha tehnıkalyq tekserýler júrgizilgen 91 turǵyn úı qalpyna keltirýge jatpaıdy. Apat saldaryn joıý maqsatynda Úkimet 2,27 mlrd teńge somasynda qarajat bóldi (Úkimettiń 2022 jylǵy 9 qyrkúıektegi qaýlysy 672), olar 91 turǵyn úı (jalpy aýdany 100 sharshy metr bir qabatty tórt bólmeli turǵyn úıler) jáne órt saldarynan zardap shekkender úshin ınjenerlik ınfraqurylym salýǵa baǵyttalǵan», dep jazdy Álıhan Smaıylov depýtattar joldaǵan saýaldyń jaýabynda.
Úkimet basshysy «QazQSǴZI» AQ jáne «Memsaraptama» RMK ınstıtýttary turǵyn úıler men ınjenerlik jelilerdiń jobalaryn ázirlegenin aıtty.
«Barlyq úıler qajetti ınfraqurylymmen, ıaǵnı sýmen, gazben, elektrmen jabdyqtaýmen, sondaı-aq kirme joldarmen qamtamasyz etiledi. Qostanaı oblysy ákimdiginiń aqparaty boıynsha búgingi tańda 13 merdiger uıymnyń kúshimen turǵyn úıler men ınjenerlik jelilerdiń qurylys-montajdaý jumystary júrgizilýde», dep qosty Mınıstrler kabınetiniń basshysy.
