Osynaý jyldar ishinde eki eldiń arasynda 40-tan astam halyqaralyq kelisimder men sharttarǵa qol qoıylǵan. Qos memleket arasyndaǵy saýda-ekonomıkalyq, ǵylymı-tehnıkalyq jáne mádenı yntymaqtastyq baılanys nyǵaıa túskenin atap ótken jón.
Dıplomatııalyq qatynastyń 30 jyldyǵyna oraı birqatar is-shara josparlanǵan. Búgin Mońǵolııanyń Qazaqstandaǵy elshiliginiń ǵımaratynda Mońǵolııa prezıdentiniń Jarlyǵymen Mońǵolııa men Qazaqstan yntymaqtastyǵynyń damýyna qosqan eleýli úlesi úshin Qazaqstannyń eki azamatyna marapattar tabystaldy. Atap aıtsaq, saıasatker, QazaqGeography qoǵamynyń atqarýshy dırektory Orman Nurbaev Mońǵolııanyń «Altyn juldyz» ordenine ıe boldy. Al Halyqaralyq Túrki akademııasynyń ǵylymı qyzmetkeri, ǵalym Aqedil Toıshanuly «Dostyq» ordenimen marapattaldy.
Marapattaý saltanatyna Mońǵolııa premer-mınıstriniń orynbasary Saıanbýıan Amarsaıhan jáne Aqparat jáne qoǵamdyq damý mınıstri Darhan Qydyráli qatysty.
