Kelisim aıasynda QR IIDM Azamattyq avıasııa komıteti otandyq avıasııa salasynda tujyrymdamalyq jáne praktıkalyq tásilderdi arttyrýdy jáne halyqaralyq yntymaqtastyqtyń ozyq standarttaryn damytýdy kózdep otyr. Sonymen qatar taraptar ushý qaýipsizdigi, aeronavıgasııalyq áleýet pen tıimdilik, avıasııalyq qaýipsizdik jáne rásimderdi ońaılatý, áýe kóligin ekonomıkalyq damytý jáne qorshaǵan ortany qorǵaý salalarynda tyǵyz yntymaqtastyq ornatýǵa nıetti.
«Osy qujat arqyly Qazaqstan Azamattyq avıasııa sektoryn damytý jónindegi óz mindettemelerin nyǵaıtady jáne elimizdiń avıasııalyq ákimshiligi iPADIS syndy irgeli uıymdarmen baılanysyn arttyrady. Bul – avıasııa sektoryna oń áser etetin ınnovasııalyq ıdeıalardy ázirleýge tyń serpin bermek», dep atap ótti Qazaqstannyń avıasııalyq ákimshiliginiń bas dırektory Katalın Radý.
О́z kezeginde iPADIS halyqaralyq uıymynyń prezıdenti Olýmýııva Benard Alıý Qazaqstannyń áýe ákimshiligimen tyǵyz áriptestik qarym-qatynas ornatýǵa múddeli ekendigin jetkizdi.
«Biz óz tarapymyzdan ınnovasııalyq tehnologııalar, oqytý, jolaýshylar quqyǵyn qorǵaý jáne áýe tasymalynyń jalpyǵa birdeı qoljetimdiligi sııaqty mańyzdy máselelerde árdaıym qoldaý kórsetýge daıarmyz», dedi Olýmýııva Benard Alıý.
Aıta keteıik, iPADIS álemdik avıasııa salasyndaǵy oń ózgeristerdi tıimdi qorǵaý úshin qurylǵan. Onyń negizgi mindeti – halyqaralyq, aımaqtyq jáne ulttyq deńgeıdegi avıasııa saıasaty men baǵdarlamalardy azamattyq qoǵam tarapynan ońtaıly qarastyrý. Uıymnyń shtab-páteri Kanadanyń Monreal qalasynda ornalasqan.
