20 jastaǵy Astana qalasynyń turǵynyna 50 aılyq eseptik kórsetkish kóleminde aıyppul salynǵan. Akt boıynsha «Sharm-El-Sheıh – Astana» baǵytyndaǵy áýe reısinen túsirilip, kólik polıseılerine berildi. Jas qyz QR ÁQBtK-niń 441-babynyń 1-2-bóligi boıynsha ákimshilik jaýapkershilikke tartylyp, 153 150 tg kóleminde aıyppul tóleý mindetteldi.
Dál osyndaı jaǵdaı Oral qalasynda da oryn alǵan. Taǵy bir jolaýshy qyz dál osyndaı quqyq buzýshylyq jasaǵany úshin «Oral – Almaty» baǵytyndaǵy áýe reısinen túsirilgen.
Aqparat boıynsha osy jyldyń basynan beri elimizdiń kólik polıseıleri túrli ákimshilik quqyq buzýshylyqtar jasaǵany úshin áýe reısinen 379 azamatty túsirgen, onyń ishinde áýe kemesiniń bortynda temeki ónimderin tutynǵany úshin – 106, alkogoldik ishimdikter ishkeni nemese qoǵamdyq oryndarda mas kúıinde bolǵany úshin 204 azamat jaýapqa tartylǵan.
