«Bul usynys atalǵan uıymnyń dúnıejúzilik keńesiniń («United Cities and Local Governments») otyrysy barysynda qoldaý tapty. Al, qala ákimi Altaı Kólginov uıymnyń teń tóraǵasy bolyp saılandy», delingen ákimdik aqparatynda.
Dúnıejúzilik uıymǵa ený qatysýshy elder arasynda tájirıbe almasýǵa, ózekti máselelerdi kóterýge jáne olardy keshendi sheshý isine járdemdesýge, qalalardyń áleýetin tanystyrýǵa, qalaǵa qosymsha ınvestısııalar tartýǵa múmkindik beredi.
Atalǵan uıym - mýnısıpalıtetterdiń, megapolısterdiń jáne aımaqtardyń, sondaı-aq olardyń birlestikteriniń 2004 jyly qurylǵan ǵalamdyq jelisi. Onyń quramyna BUU-nyń 140 elinen bas-aıaǵy 240 000 mýnısıpalıtet, aımaqtar men megapolıster kiredi.
