«Meıirimdilik kerýeni» baıqaýynyń bastalýyna oraı ótken baspasóz konferensııasyna elordalyq ishki saıasat basqarmasynyń basshysy Dáýren Babamuratov, Qazaqstannyń isker áıelder qaýymdastyǵy prezıdentiniń orynbasary Sanııa Irsalıeva, Qazaqstan áıelder kúshteri Alıansy tóraǵasynyń orynbasary Baıan Toıkebaeva qatysty.
Besinshi ret uıymdastyrylǵan «Meıirimdilik kerýeni» baıqaýy ıgi ister jasaıtyn adamdardy anyqtaýǵa, halyqtyń ıgi bastamalaryn jandandyrýǵa, meıirimdilik jáne gýmanızm sııaqty adamgershilik qundylyqtardy nyǵaıtýǵa baǵyttalǵan.
Qatysýshylar áleýmettik, qoǵamdyq máselelerdi sheshýge úles qosatyn jáne óz is-áreketterimen basqalardy yntalandyratyn jeke jáne zańdy tulǵalar bola alady.
Konkýrsqa kásipkerlik sýbektileri, sondaı-aq qaıyrymdylyq qyzmeti memlekettik qoldaýmen baılanysty tulǵalar (memlekettik grant, memlekettik tapsyrys jáne t.b.) qatysa almaıdy.
Konkýrs laýreattary kelesi nomınasııalar boıynsha anyqtalady:
- «Asar» – qaıyrymdylyq qyzmeti halyqtyń ádet-ǵuryptar men dástúrlerdi saqtaýmen baılanysty adamdarǵa arnalǵan nomınasııa;
- «Týǵan jer» – bilim berý, ekologııa jáne abattandyrý, mádenı nysandardy qalpyna keltirý jáne t.b. salalarda týǵan ólkege qaıyrymdylyq kómek kórsetetin laýreatqa tapsyrylady.;
- «Batyl júrek» – batyrlyq pen janqııarlyq úshin. Bul nomınasııada shuǵyl qyzmet qyzmetkerleri (TJ, IIM, jedel járdem jáne basqalar) arasynda qosymsha jeńimpaz ataǵy qurylýy múmkin;
- «Meıirim jolynda» – belgili bir ýaqyt ishinde turaqty óteýsiz kómek kórsetetinder úshin;
- «Qaıyrymdylyq tarıhy» – nomınasııa jýrnalıstke jáne/nemese shyǵarmashylyq ujymǵa BAQ-ta qaıyrymdylyq, áleýmettik máselelerdi úzdik jarııalaǵany úshin beriledi;
- «Bala júregi» – 6 jastan 18 jasqa deıingi laýreatqa shuǵyl jaǵdaılarda kórsetken janqııarlyq jáne batyl áreketi, sol sııaqty qaıyrymdylyq qyzmetine qatysqany úshin beriledi;
- «Janýarǵa meıirim» – janýarlardyń quqyǵyn qorǵaıtyn, olardyń kútimine kómektesetin, sondaı-aq janýarlar degen meıirimdilikti nasıhattaıtyn laýreatqa beriledi.
Konkýrsqa qatysýǵa ótinimder 2022 jylǵy 30 jeltoqsanǵa deıin qabyldanady.
