«17 qazan kúni saǵat 16.44-te Ekibastuz qalasynyń polısııasyna «M.Júsip kóshesi, 68 úıdiń janynda kilemnen adamnyń aıaǵy kórinedi» degen habarlama kelip tústi. Kelgen jedel-tergeý toby úıdiń kireberisinde kilemge orap tastaǵan áıeldiń máıitin tapty. Kilemniń joǵary jáne tómengi jaqtaryn symmen baılap tastaǵan. Áıeldiń jansyz denesinde zorlyq-zombylyq belgileri bar ekeni anyqtaldy. Polısııa áıeldiń jeke basyn anyqtady, ol Ekibastuz qalasynyń 38 jastaǵy turǵyny bolyp shyqty», dedi Ekibastuz qalasy Polısııa basqarmasynyń bastyǵy Qaıyrjan Shaqarǵalıev.
Kisi óltirdi degen kúdik boıynsha Ekibastuz qalasynyń turǵyny, 1986 jyly týǵan er adam ustaldy. Ol kinásin moıyndady.
Kisi óltirý faktisi boıynsha Qazaqstan Respýblıkasy QK-niń 99-baby 1-bóligi boıynsha sotqa deıingi tergeý amaldary bastaldy.
