«Kerbulaq jáne Panfılov aýdandary arqyly ótetin respýblıkalyq kúre joldy jóndeý máselesi ózekti bolyp tur. Bul – óte mańyzdy jol. Sondyqtan, Úkimet pen ákimdikke ondaǵy kúrdeli jóndeý jumysyn aldaǵy 2 jyldyń ishinde aıaqtaýdy tapsyramyn. Qajetti qarajatty shuǵyl qarastyrý kerek», dedi Prezıdent.
Qasym-Jomart Toqaev eń aldymen, joldyń sapasy jaqsy kóńil bólýdi usyndy. Alaıda, qurylysy da sozylyp ketpesin. Bul jergilikti jurttyń turmysyna jáne kólik qozǵalysynyń qaýipsizdigine tikeleı áser etetinin jetkizdi.
«Elimizde jol apattary, onyń ishinde adam ólimine ákep soqtyrǵan oqıǵalar kóbeıip barady. Buǵan esh jol berýge bolmaıdy. Adam ólimine ákep soqtyrǵan árbir jol apatyn tótenshe jaǵdaı retinde qarastyrý qajet. Adam ómiri – bizdiń basty baılyǵymyz. Sondyqtan, azamattardyń amandyǵy jáne qaýipsizdigi birinshi orynda turýǵa tıis. Jol qurylysy kezindegi jemqorlyq pen selqostyqty túbirimen joıý úshin júıeli sharalar qabyldaý kerek», dedi Prezıdent Jetisý oblysyndaǵy jumys sapary barasynda.
