Bul týraly óńirlik kommýnıkasııalar qyzmetinde ótken brıfıngte ishki saıasat basqarmasynyń basshysy Janat Mekeeva aıtty.
«Respýblıka kúnin merekeleýge oraı oblysta saltanatty jáne merekelik is-sharalar jospary jasaqtaldy. Osylaısha, shyǵysqazaqstandyqtar búkil el turǵyndarymen birge «Qyran elim – Qazaqstanym!» jalpyulttyq patrıottyq aksııasyna qatysýda. Onyń aıasynda Ánuran jappaı oryndalady. Sondaı-aq Memlekettik tý saltanatty túrde kóteriledi», dedi J.Mekeeva.
Sondaı-aq barlyq jerde oblystyń, jalpy elimizdiń damýyna súbeli úles qosqan azamattardy marapattaý, madaqtaý sharalary uıymdastyrylady. Memlekettik jáne vedomstvolyq nagradalardy saltanatty túrde tapsyrý rásimderi ótedi.
