gov.kz
Alty aı ishinde qazaqstandyq áskerı qyzmetshiler jaıaý jáne mobıldi patrýldeýdi oryndap, odan basqa tosqaýyl beketteriniń jumysyn uıymdastyrýǵa, bazalardy kúzetýge jáne operasııalardy júrgizýge qatysy joq jeke quramnyń kúndelikti jaýyngerlik daıarlyǵyna qatysqan.
«Alty aı tez óte shyqty. Bitimgerlik daıyndyq ortalyǵynda tııanaqty alynǵan bilim jańa jaǵdaıǵa ońaı beıimdelýge jáne alǵa qoıylǵan mindetterdi laıyqty sheshýge kómektesti. Áskerı qyzmetshilerdiń moraldyq-psıhologııalyq jaǵdaıy da joǵary deńgeıde. Olar qyzmet ornynda mindetterdi oryndaýǵa daıyn», dedi Almatyǵa kelgen soń top komandıri kapıtan Marat Ábdiramanov.
Onyń ornyna segizinshi bitimgerlik kontıngent, ıaǵnı «Shyǵys» sektoryndaǵy Úndi bitimgerlik batalony quramynda mindetterdi oryndaıtyn qazaqstandyq áskerı qyzmetshiler attandy.
Qazaqstan kontıngentin Úndistan Respýblıkasy Qarýly kúshteriniń bitimgerlik kontıngenti quramynda BUU-nyń Lıvandaǵy mıssııasyna birlesip ornalastyrý - 2018 jyldyń qazan aıynan bastap júzege asyrylyp jatqanyn aıta ketken jón.
