Aýyl sharýashylyǵy mınıstrligi qaıtarylýy 2022 jyldyń sońyna deıin josparlanǵan 5 mln ga paıdalanylmaǵan aýyl sharýashylyǵy jerlerin memlekettik menshikke qaıtarý josparyn merziminen buryn oryndady. Sonymen qatar búgingi kúni jer paıdalanýshylar buryn turyp qalǵan 1,8 mln ga jerdi ıgerýge kiristi.
Aıta keteıik, osy jyldyń ózinde mınıstrliktiń Jer resýrstaryn basqarý komıtetiniń respýblıka boıynsha aýmaqtyq bólimsheleri ýchaske ıelerine qatysty aýyl sharýashylyǵy jerlerin alý men paıdalanýdyń zańdylyǵyna qatysty 1357 jospardan tys tekserý júrgizdi.
Sondaı-aq Memleket basshysynyń tapsyrmasy boıynsha, 2022 jylǵy 28 sáýirde quramyna múddeli memlekettik jáne quqyq qorǵaý organdary kiretin jumys komıssııasy qurylǵanyn eske salamyz. Osy komıssııa qurylǵan sátten bastap barlyq óńirlerde vedomstvoaralyq toptar quryldy. Bıylǵy jyldyń 9 tamyzynda Qazaqstan Prezıdenti jer máseleleri boıynsha tekserýler úshin erekshelikti kózdeıtin Jarlyqqa qol qoıdy, bul paıdalanylmaıtyn aýyl sharýashylyǵy alqaptaryn qaıtarý boıynsha júrgizilip jatqan jumystyń tıimdiligin edáýir arttyrdy.
Aýyl sharýashylyǵy mınıstrligi bul baǵyttaǵy jumys jalǵasatynyn habarlady.
