Jergilikti TJD málimetinshe, Fılıppındegi «Nalgae» tropıkalyq daýyly 98 adamnyń ómirin qıdy. Ondaǵan adam iz-túzsiz joǵalyp ketti.
«Adamdar kóshkin kezinde sýǵa batyp, qulaǵan aǵashtardan alǵan jaraqattarynan qaıtys boldy. Alabama shtatynyń 61 jastaǵy turǵyny júrek soǵysynyń toqtap qalýynan qaıtys boldy», delingen jergilikti TJD habarlamasynda.
Qutqarýshylar qaýipti aımaqtardan 350 myńnan astam adamdy evakýasııalady. Olar evakýasııalyq ortalyqtarǵa ornalastyryldy. Daýyl 555 úıdi zaqymdap, 150-den astam ǵımaratty qıratty.
Vedomstvo málimetinshe, tabıǵı apattan 1,8 mıllıonnan astam adam zardap shekti. Joldar, kópirler, mektepter men úkimettik ǵımarattar qırady. Daýyl Fılıppınniń toǵyz áýejaıyna da áser etti, qazir olardyń ekeýi jumys istep tur. Apat saldarynan 444 reıs toqtatyldy.
Sonymen qatar 263 qalada energııamen qamtý máselesi tirkeldi. Qazir onyń 94-i qalpyna keltirildi.
