Sharanyń maqsaty – elder arasyndaǵy ınvestısııalyq jáne saýda qatynasyn tereńdetý.
Dóńgelek ústelge ırandyq isker top delegasııasy, eki eldiń memlekettik mekemeleri, ulttyq damý ınstıtýttary, salalyq jáne aımaqtyq bıznes qaýymdastyq ókilderi qatysqan.
Búginge deıingi statıstıka boıynsha, Qazaqstan men Iran arasyndaǵy taýar aınalymy 2021 jyly 440,1 mln dollar, 2022 jyldyń birinshi jartysynda – 303,1 mln dollardy quraǵan. 2005 jyldan beri Irannan Qazaqstan ekonomıkasyna quıylǵan tikeleı ınvestısııa kólemi shamamen 159 mln dollardy qurady, onyń basym bóligi ekonomıkanyń agrarlyq jáne ónerkásiptik sektorlaryna baǵyttalǵan. Irandyq kásipkerler 4 jobany iske qosty, odan ózge 9 joba ázirlený satysynda.
Dóńgelek ústeldi ashqan Iran Islam Respýblıkasynyń Qazaqstandaǵy Elshisi Madjıd Samadzade Saber elder arasyndaǵy qarym-qatynastyń mańyzdylyǵyna toqtalyp, bul shara ınvestısııalyq baılanystardyń keńeıýine, sondaı-aq jańa birlesken jobalardy júzege asyrýda belsendi qatysýǵa yqpal etetinine senim bildirdi.
О́z kezeginde QR Syrtqy ister mınıstrligi Investısııalar komıtetiniń tóraǵasy Ardaq Zebeshev tatý kórshilik qarym-qatynastyń nyǵaıýy, eki eldiń úlken eksporttyq áleýetti eskere otyryp Azııa men Eýropanyń naryqtaryn baılanystyratyn Qazaqstan-Túrkimenstan-Iran-Túrkııa temir jolynyń iske qosylýy eki eldiń ekonomıkalyq damýyna oń áser etetin aıtqan. Sondaı-aq ekijaqty qarym-qatynastar barlyq salalarda joǵary ósý dınamıkasyn kórsetip otyrǵanyn aıtty.
«KAZAKH INVEST» UK» AQ basqarma tóraǵasynyń orynbasary Jandos Temirǵalı óz sózinde Qazaqstannyń ınvestısııalyq múmkindikteri, memlekettik qoldaý sharalary, sondaı-aq ulttyq kompanııanyń qyzmeti týraly aıtty. Sonymen qatar ol bıyl Irannyń Saýda-ónerkásip palatasymen birlesip Tegerandaǵy ınvestısııalyq forýmda 230 mıllıon dollardan asatyn 12 qujatqa qol qoıylǵanyn atap ótti.
Aıta keteıik, qazir Saýda jáne ıntegrasııa mınıstri Serik Jumanǵarın bastaǵan qazaqstandyq delegasııa Iran Islam Respýblıkasynda jumys saparymen júr, onyń negizgi maqsaty saýda-ekonomıkalyq jáne tranzıttik-kóliktik salalaryndaǵy yntymaqtastyqty damytý.
