Sezd oflaın formatta ótip jatyr. О́ńirlerden 300-ge jýyq adam keldi. Jıyn barysynda 9 másele talqylanady: Palatanyń atqarylǵan jumysynyń esebi, transformasııadan keıingi Ulttyq palatanyń jańa tásilderi jáne Abaı, Jetisý, Ulytaý oblystarynda óńirlik kásipkerler palatasyn qurý.
Sondaı-aq UKP Tóralqasynyń ókilettigin merziminen buryn toqtatý jáne jekelegen múshelerin saılaý, basqarmanyń ókilettik merzimin bekitý de josparlanyp otyr.
«Búgingi sezd tarıhı erekshe kezeńde – qazir elimizdiń strategııalyq damýyn aıqyndaıtyn úlken naýqan kezinde ótip jatyr. Memleket basshysy Qasym-Jomart Kemelulynyń «Ádiletti Qazaqstan» qurýdaǵy baǵyt-baǵdardy belgiledi. Osy bastamanyń sheńberinde «Ádiletti ekonomıka» qaǵıdasyna súıene otyryp, biz «Atameken» Ulttyq kásipkerler palatasy retinde elimizdiń kásipkerlerine tolyqtaı jaǵdaı jasaý maqsatynda transformasııa kezenińen ótip jatyrmyz. Transformasııany sapaly iske asyrý úshin barlyǵymyz birlese kúsh-jigerimizdi jumyldyryp, úlken maqsatqa jetýimiz qajet dep sanaımyn. Bul – siz ben bizdiń kásipkerler aldyndaǵy ortaq mindetimiz ben jaýapkershiligimiz», dedi Tóralqa tóraǵasy Raıymbek Batalov.
