«Sońǵy 3 aıda Almaty oblysyna ekinshi ret jumys saparymen keldim. О́ńir halqy aldynda esep berý kezdesýin ótkizdim. Sondaı-aq bilim berý uıymdaryn aralap, «Jaıly mektep» ulttyq jobasyn júzege asyrýǵa qandaı daıyndyq jumystary júrgizilip jatqanyn kórdim. Qonaev qalasynyń Mádenıet úıine eki júzden astam adam jınaldy. Turǵyndarǵa mınıstrliktiń atqaryp jatqan jumystary, jańashyldyqtar jáne týyndaǵan ózekti máselelerdi sheshý sharalary týraly aıtyp berdim», dep jazdy ol.
Sondaı-aq «Jas maman» jobasyn jalǵastyrý, muǵalimderge sıfrly quzyrettilik kýrstaryn, ınklıýzıvti bilim berýdi damytý boıynsha kýrstar uıymdastyrý jóninde birqatar suraqtar qoıylǵanyn aıtty.
Jıynda aıtylǵan usynystardy mınıstrlik qarap, túıtkildi máseleler baqylaýǵa alynatynyn jetkizdi.
«Keıin jańa mekteptiń qurylysymen jáne «Jaıly mektep» jobasyn júzege asyrý jumystarymen, jer telimderin bólý, ınjenerlik ınfraqurylymdardy ornatý jáne t.b. jumystarmen tanystym. Mektep salý kezinde kásibı kadrlardy irikteý jáne qurylysty baqylaý mańyzdy. Biz erejelerge jańa norma engizip jatyrmyz», dedi Oqý-aǵartý mınıstri.
Sondaı-aq 2023-2024 jyldary «Jaıly mektep» jobasy aıasynda Almatyda eki aýysymda oqıtyn 120 myń oqýshyǵa arnalǵan 54 mektep salý josparlanǵanyn jetkizdi.
