«Bólip tóleýdiń barlyq túri - bul banktiń paıyzdyq kirisiniń kólemi boıynsha taýar qunynyń ósýi, jáne adamdar mundaı ónimniń naqty qansha turatynyn teksere almaıdy. Al bólip tólemeıtinder úshin baǵasy ártúrli syılyq ne bonýstar beriledi. Mysaly, teledıdar 100 000 teńge tursa, sórege 125 000 teńgege qoıylady, 12 aıǵa bólip tóleý usynylady. Is júzinde bul ýaqyt uzaqtyǵyn (ınvestısııalardyń tolyq qaıtarylýyna deıingi ýaqyt kezeńi jáne paıyzdyq táýekel ólshemi) eskere otyryp, jylyna shamamen 50% quraıdy», dep túsindirdi.
Aıtýynsha, kóp mólsherde bólip tóleý taýardyń qunyn paıyzdyq mólsherlememen arttyrady jáne bul ınflıasııaǵa áser etedi.
«Sondaı-aq, tarıfterdi jasandy tejeý - bir jyldan keıin tarıfterdi birden úlken somaǵa kóterý qajettigin týdyrady. Olar ınflıasııany ustap turý úshin jasalyp otyr, biraq shyndyǵynda, tarıfterdi kóterý ýaqyty kelgende, olar jyl saıyn jıyntyqta kóterilgennen góri kóbirek paıyzǵa kóteriledi», dep tolyqtyrdy sarapshy.
Onyń aıtýynsha, ınflıasııa ónimniń tutynýshylyq sapasynyń jaqsarýyna baılanysty da óse beredi.
«Máselen, telefondar men avtokólik jyl saıyn aldyńǵy úlgilerge qaraǵanda tehnologııalyq jaǵynan jetildirilgen jáne qymbatyraq. Inflıasııanyń ósýi halyqtyń ál-aýqatynyń ósýine de baılanysty. Halyq neǵurlym baı bolsa, soǵurlym qyzmetter men tutynatyn taýarlary qymbattaıdy», dep qorytyndylady ekonomıst.
