7 qarashada saǵat 3:40-ta Rıdder JEO-da №2 qazandyq iske qosyldy, №1 qazandyq iske qosýǵa daıyndalýda. Jylý jelilerindegi jetkizý temperatýrasy keste boıynsha – 70 gradýs, is júzinde 30 gradýsqa deıin tómendedi.
«2022 jylǵy 3 qarashada Rıdder JEO-ny shlaktan tazartý úshin №3 qazandyq toqtatyldy. 4 qarashada №2 qazandyq, 6 qarashada qosalqy jabdyq boıynsha aqaýlardy joıý úshin №1 qazandyq jáne qyzdyrý betindegi aqaýlardy joıý úshin №6 qazandyq toqtatyldy», delingen mınıstrlik habarlamasynda.
Aıta ketsek, «Rıdder JEO» AQ-daǵy tótenshe jaǵdaıǵa baılanysty qurylǵan jedel shtabqa Energetıka mınıstrligine qarasty Atom jáne energetıkalyq qadaǵalaý men baqylaý komıtetiniń aýmaqtyq departamentiniń ókilderi kirdi.
«Qazirgi ýaqytta jergilikti aýqymda jarııalanǵan tótenshe jaǵdaıdyń rejımi sheńberinde О́skemen jáne Sogra JEO energetıkterin tarta otyryp, jóndeý-qalpyna keltirý jumystary uıymdastyryldy, sondaı-aq mazýt qorlaryn jedel tolyqtyrý júzege asyrylýda», dep qosty vedomstvonyń baspasóz qyzmeti.
