Pavlodar oblysy Belarýske jylyna 3 mlrd. kVt/saǵat energııa jetkizedi

ASTANA. 28 mamyr. Pavlodar oblysyndaǵy Ekibastuz GRES-1 jáne Aqsý GRES stansalary Belarýske jylyna 2-3 mlrd. kVt/saǵat energııa jetkizý jóninde kelissózder júrgizdi. Bul týraly Pavlodar oblysy ákiminiń birinshi orynbasary Dúısenbaı Turǵanov málimdedi. Prezıdenti janyndaǵy Ortalyq kommýnıkasııalar qyzmetinde «Eýrazııalyq ıntegrasııa aıasyndaǵy óńiraralyq ózara is-qımyl máseleleri» taqyryby boıynsha ótken brıfıngte ol Eýrazııalyq ekonomıkalyq odaqtyń jetistikteri qatarynda elektr energııasyn tasymaldaý da bar ekenine nazar aýdardy. «Eýrazııalyq ekonomıkalyq odaqtyń qurylýy bizge tek Reseıge elektr energııasyn tasymaldaý kólemin arttyrýǵa ǵana emes, sondaı-aq Belarýs naryǵyna shyǵýǵa múmkindik beredi. Qazaqstan, Reseı jáne Belarýs 2016 jyly biryńǵaı elektr energııasy naryǵyn qurý boıynsha baǵdarlama qabyldaýdy kózdep otyr», - dedi Turǵanov. Onyń aıtýynsha, bul baǵdarlamanyń tujyrymdamasy 2015 jyldyń ortasyna qaraı qabyldanady. «Qazirgi taǵda Ekibastuz GRES-1 jáne Aqsý GRES stansııalary Belarýs memleketine jylyna 2-3 mlrd. kVt/saǵat energııa jetkizý boıynsha kelissózder júrgizip jatyr. Sondaı-aq, qazir «KEGOC» kompanııasy reseılik seriktestermen birlese otyryp, osy elektr energııasyn tasymaldaý sharttaryna qatysty kelissózder júrgizýde», - dedi ol. Murat Aıtqoja. Derekkóz: BNews.kz. Foto: www.taszhargan.info.