Qujatqa Mysyrda ótip jatqan Klımattyń ózgerýi jónindegi jahandyq konferensııanyń (COP27) Álemdik kóshbasshylar sammıti aıasynda QR Premer-Mınıstri Álıhan Smaıylov pen Fortescue kompanııasynyń basshysy Endrıý Forrest qol qoıdy.
«Kelisimdi iske asyrý elimizdiń 2030 jylǵa qaraı parnıktik gaz shyǵaryndylaryn 15%-ǵa azaıtý jáne 2060 jylǵa qaraı kómirtegi beıtaraptyǵyn qamtamasyz etý boıynsha bıik maqsattarǵa qol jetkizýine úles qosady dep kútilýde. Aldaǵy jobalar keshe Qazaqstan men Eýroodaq arasynda qol qoıylǵan ózara túsinistik týraly memorandým aıasynda eýropalyq naryqqa jetkizý josparlanyp otyrǵan «jasyl» sýteginiń aýqymdy kólemin óndirýge arnalǵan», delingen habarlamada.
Aıta ketsek, «taza» sýtegin óndirýdiń qoljetimdi tehnologııalaryn engizý Qazaqstanǵa 5-7 jyldan keıin osy otynnyń álemdik iri jetkizýshileriniń birine aınalýyna múmkindik beredi.
Álıhan Smaıylov «jasyl» sýtegin óndirý jobasy óńirdegi osyndaı iri jobalardyń biri ekenin atap ótti.
Ol QR Úkimeti «jasyl» energetıka sektoryndaǵy jeke kompanııalardyń úlesin arttyrý úshin ınvestısııalar tartý júıesin qaıta qaraǵanyn atap ótti.
«Bizdiń dekarbonızasııany yntalandyrý tásilimiz naryqtyq tetikter men jeke ınvestısııalardy barynsha paıdalanýǵa negizdeledi», dedi Premer-Mınıstr.
О́z kezeginde Endrıý Forrest «jasyl» sýtegin óndirý jáne qoldaný aýyr ónerkásipti dekarbonızasııalaýǵa, jumys oryndaryn qurýǵa jáne jalpy energetıka salasynyń turaqtylyǵyn arttyrýǵa septigin tıgizetinin atap ótti.
«Biz osy áleýetti tezirek iske asyrýǵa kómektesý úshin jumys tásilderimiz ben múmkindikterimizdi Qazaqstanmen qýana bólisemiz», dedi Endrıý Forrest.
