Qazaqstan Respýblıkkasy Úkimetiniń qaýlysy № 437

2014 jylǵy 4 mamyr, Astana, Úkimet Úıi Jeke sot oryndaýshysynyń qyzmetine aqy tóleý mólsherin bekitý týraly «Atqarýshylyq is júrgizý jáne sot oryndaýshylarynyń mártebesi týraly» 2010 jylǵy 2 sáýirdegi Qazaqstan Respýblıkasynyń Zańy 118-babynyń 4-tarmaǵyna sáıkes Qazaqstan Respýblıkasynyń Úkimeti qaýly etedi: 1. Qosa berilip otyrǵan jeke sot oryndaýshysynyń qyzmetine aqy tóleý mólsheri bekitilsin. 2. «Jeke sot oryndaýshysynyń qyzmetine aqy tóleý tarıfterin bekitý týraly» Qazaqstan Respýblıkasy Úkimetiniń 2010 jylǵy 29 qyrkúıektegi № 988 qaýlysynyń (Qazaqstan Respýblıkasynyń PÚAJ-y, 2010 j., № 53, 506-qujat) kúshi joıyldy dep tanylsyn. 3. Osy qaýly alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi. Qazaqstan Respýblıkasynyń Premer-Mınıstri K. MÁSIMOV. Qazaqstan Respýblıkasy Úkimetiniń 2014 jylǵy 4 mamyrdaǵy № 437 qaýlysymen bekitilgen Jeke sot oryndaýshysynyń qyzmetine aqy tóleý mólsheri Atqarýshylyq is júrgizý sheńberinde tólenetin jeke sot oryndaýshysynyń qyzmetine aqy tóleý somasy mynadaı mólsherlerde belgilenedi: 1. Bereshek somalaryn óndirip alý týraly atqarýshylyq is júrgizý boıynsha óndiriletin soma: 60 AEK-ten aspaıtyn bolsa - óndiriletin somanyń nemese múlik qunynyń 25 %; 60-tan jogary 300 AEK-ke deıin bolsa - óndiriletin somanyń nemese múlik qunynyń 20 %; 300-den joǵary 1000 AEK-ke deıin bolsa - óndiriletin somanyń nemese múlik qunynyń 15 %; 1000-nan joǵary 2000 AEK-ke deıin bolsa - óndiriletin somanyń nemese múlik qunynyń 10 %; 2000-nan joǵary 5000 AEK-ke deıin bolsa - óndiriletin somanyń nemese múlik qunynyń 8 %; 5000-nan joǵary 10000 AEK-ke deıin bolsa - óndiriletin somanyń nemese múlik qunynyń 5 %; 10000 AEK-ke deıin bolsa - ‹óndiriletin somanyń nemese múlik qunynyń 3 %; 2. Múliktik emes sıpattaǵy atqarýshylyq qujattar boıynsha jeke tulǵalardan on aılyq eseptik kórsetkish jáne zańdy tulǵalardan jıyrma aılyq eseptik kórsetkish mólsherinde belgilenedi. Eskertpe: AEK - «Respýblıkalyq bıýdjet týraly» Qazaqstan Respýblıkasynyń Zańymen jyl saıyn belgilenetin aılyq eseptik kórsetkish.