7 qyrkúıekte Jarma aýdanyndaǵy dala órtin sóndirý kezinde órt sóndirýshi Aıdos Toǵyzbaev qatty kúıik alyp, qyzmettik boryshyn óteý kezinde qaza tapqan edi. Marqumnyń artynda bes balasy qaldy.
Eske sala ketsek, Memleket basshysy Qasym-Jomart Toqaev Abaı oblysynyń órt sóndirýshilerin Qazaqstan Respýblıkasynyń memlekettik nagradalarymen marapattaý týraly Jarlyqqa qol qoıǵan bolatyn.
Abaı oblysynyń ákimi Nurlan Ýranhaev pen Tótenshe jaǵdaılar vıse-mınıstri Marat Kúldikov Aıdos Toǵyzbaevtyń otbasyna QR Prezıdentiniń atynan III dárejeli «Aıbyn» ordenin tabys etti.
Oblys ákimdiginiń baspasóz qyzmeti habarlaǵandaı, qaıtys bolǵan órt sóndirýshiniń otbasyna Semeı qalasynan úsh bólmeli páter berildi.
«Fırma Azııa» JShS ókilderi men oblystyq máslıhat depýtaty Ásemhan Dosqojanov «Qaraǵaıly» shaǵyn aýdanyndaǵy turǵyn úılerdiń birindegi páterdiń kiltterin marqum Aıdos Toǵyzbaevtyń jubaıy men balalaryna tabystap, qonys toıymen quttyqtady», delingen habarlamada.
