Memleket basshysy Qaraǵandy oblysyna jumys saparynda Qaraǵandy – Balqash, Balqash – Býrylbaıtal avtojoldarynda júrip jatqan jańǵyrtý jumystaryn aıaqtaýdy tapsyrǵan bolatyn.
Tapsyrma aıasynda, qazir Qaraǵandy – Balqash avtomobıl jolynda uzyndyǵy 363 shaqyrymǵa jetetin 8 jol ýchaskesinde jańǵyrtý jumystary júrgizilýde.
«Jol ýchaskelerinde jalpy uzyndyǵy 8 shaqyrym bolatyn 16 aınalma jol qarastyrylǵan. Jyl sońyna deıin tıisti jumystar aıaqtalyp, jańa jol jabynyna baılanysty qozǵalys úderisin 13 aınalma jolǵa aýystyrý josparlanǵan. Avtojoldy qaıta jańartý boıynsha qurylys-montaj jumystaryn 2023 jyldyń aıaǵyna deıin daıyn bolady», dep jazdy mınıstrliktiń baspasóz qyzmeti.
Sondaı-aq Balqash – Býrylbaıtal avtomobıl jolynyń ýchaskesinde júrgizilip jatqan jańǵyrtý jumystary boıynsha, munda 288 shaqyrymnyń 6 ýchaskesinde jol jabynyn tóseý júrgizilip jatyr. Jańa asfaltbetonmen jol qozǵalysy 161 shaqyrym jerge qamtamasyz etilgen. Atalǵan jobany sońyna deıin jetkizý 2023 jyldyń sońyna mejelenip otyr.
«Jezqazǵan – Qaraǵandy avtomobıl joly boıynsha qazir 513 shaqyrymǵa jobalyq-izdestirý jumystary júrgizilip jatyr. Bul joba 12 ýchaskege bólingen. Jobalaý-smetalyq qujattamany ázirleýdi 2023 jyly aıaqtalady. Qujattamanyń daıyn bolýyna baılanysty tıisti jumystar kezeń-kezeńmen jasalady», dep habarlady mınıstrliktiń baspasóz qyzmeti.
