Turǵyndarmen kezdesý barysynda mınıstrge mektepte qandaı úıirmemen aınalysqany týraly suraq qoıylǵan. Jaýap retinde Ashat Aımaǵambetov oǵan aldyn ala daıyndalǵan jattandy suraqtardy qoımaýǵa shaqyrdy.
«Mundaı suraqtar bolmaýy kerek. Qandaı da bir problemalyq suraqtar bar ma? Árıne, bar. Biz osyndaı máselelerdi talqylaýǵa keldik, sheshýge tyrysamyz. Materıaldyq-tehnıkalyq bazaǵa qatysty máseleler bar, oqýlyqtarmen, oqý baǵdarlamalarymen, attestattaý máselelerimen, suraqtar kóp. Bizge solar týraly aıtyńyzdar, kelýimizdiń basty maqsaty osy – kelip ashyq sóılesý. Bir-birimizge daıyn jattandy suraq qoıatynymyz uıat», dedi mınıstr.
