Barlyǵy 600 saılaý ýchaskesi ashyldy, onyń altaýy tańǵy saǵat 6.00-de óz jumysyn bastady (áskerı mekemelerde), qalǵandary tańǵy saǵat 7.00-de ashyldy. 55 saılaý ýchaskesinde tirkelmegen azamattar daýys bere alady, taǵy bir ereksheligi 68 saılaý ýchaskesi saılaýshylar daýys bergen boıda kez kelgen ýaqytta jumysyn toqtata alady. Almatyda barlyǵy 1 mıllıon 176 myń saılaýshy bar.
Barlyǵy 8 aýdandyq jáne bir qalalyq komıssııa jumys istep jatyr. Janna Asanovanyń aıtýynsha, tańerteńnen saılaý ýchaskelerinde daýys berýshilerdiń qarasy qalyń.
«Trenıng barysynda teorııalyq bólimnen basqa, ótken naýqandardyń tájirıbesinen qalyptasqan keıster pysyqtaldy. Zańǵa sáıkes, eger saılaýshy bıýlletendi óz betimen toltyra almasa, ol senim bildirgen adamnyń kómegin paıdalanýǵa quqyly, biraq ol adam saılaý komıssııasynyń múshesi, BAQ ókili nemese kandıdattyń senimdi ókil bola almaıdy», deıdi ol.
Almatyda 43 myńnan astam múmkindigi shekteýli adam tirkelgen, olar úshin ınvataksı jumys isteıtin bolady, olardyń jumysyn jergilikti atqarýshy organdar retteıdi.
