«Alataý aýdany, Mádenıet (Rahat) yqsham aýdanynda bári opyrylyp jatyr. Bizde eshqashan jol jóndelgen emes, tek jamaýdyń ústine jamaý. Tipti jaıaý júretin jol da joq, bári jaramsyz. Kólikter men avtobýstar óte almaıdy», delingen jazbada.
Almaty qalalyq Energetıka basqarmasy atalǵan oqıǵaǵa qatysty jaýap berdi. Olardyń málimetinshe, qazir mamandar atalǵan mekenjaıǵa jiberilgen. Opyrylyp túsken jer arnaıy lentamen qorshalǵan. Jaqyn arada qalpyna keltirý jumystary júrgiziledi.
− «Svıazstroımehanızasııa» JShS merdiger uıymynyń kepildi mindetteme negizinde Rahat shaǵyn aýdanynda magıstraldyq sý qubyry jáne káriz jelileriniń qurylysy boıynsha qurylys-montaj jumystary 2019 jyly aıaqtaldy. Qazir merdiger kompanııa qatty jaýyn-shashynnan keıin paıda bolǵan shuńqyrlardy toltyryp jatyr. Jaqyn arada qaıta qalpyna keltirý jumystary júrgiziledi, − dep habarlady Almaty ákimdiginiń energetıka basqarmasy.
