Prezıdent • 24 Qarasha, 2022

Qasym-Jomart Toqaev álem kóshbasshylarynyń quttyqtaýlaryn qabyl aldy

69 ret kórsetildi

Qazaqstan Respýblıkasynyń Prezıdenti bolyp qaıta saılanýyna baılanysty Qasym-Jomart Toqaevtyń atyna quttyqtaý hattar men jedelhattar túsip jatyr, dep habarlaıdy Egemen.kz Aqordanyń baspasóz qyzmetine silteme jasap.

Germanııa Prezıdenti Frank-Valter Shtaınmaıer Qasym-Jomart Toqaevqa aldaǵy mańyzdy mindetterin atqarýda tabys, al Qazaqstan halqyna beıbitshilik, erkindik jáne baq-bereke tiledi.

«Qazaqstan halqynyń ıgiligi úshin qolǵa alǵan Sizdiń reformalaryńyz ben jańǵyrý úderisi jańa ókilettik merzimińizde jalǵasady dep senemin. Bul rette Germanııa Qazaqstannyń senimdi seriktesi bolyp qala beredi», delingen Germanııa Prezıdenti joldaǵan jedelhatta.

Italııa Prezıdenti Serdjıo Mattarella Qasym-Jomart Toqaevqa tolaǵaı tabys tilep, Qazaqstan men Italııany ekijaqty tyǵyz qarym-qatynastar baılanystyratynyn atap ótti.

«Italııa zań ústemdigin nyǵaıtýǵa jáne eldi jańǵyrtýǵa baǵyttalǵan mańyzdy reformalardyń júzege asyrylý barysyn baqylap otyr. Qazaqstan jáne Ortalyq Azııa óńiri úshin turaqtylyq pen damýdyń jarshysy bolatyn bul úderis Eýropalyq Odaqpen qatynastardyń nyǵaıýyna baılanysty da zor mánge ıe», dep jazdy Serdjıo Mattarella.

Al Serbııa Prezıdenti Aleksandr Výchıch Qasym-Jomart Toqaevqa kórsetilgen úlken senim eldiń damý jáne órkendeý baǵytyn jalǵastyrýǵa tyń serpin beretinin jetkizdi.

«Serbııa Qazaqstannyń senimdi seriktesi bolyp qala beredi. Sondyqtan Siz jańa prezıdenttik laýazymda bizdiń elge saparmen kelesiz degen úmittemin. Sizdiń saparyńyz ekijaqty qarym-qatynastardy jáne Serbııa men Qazaqstan arasyndaǵy jan-jaqty yntymaqtastyqty nyǵaıtýǵa eleýli úles qosar edi», delingen Aleksandr Výchıchtiń quttyqtaý hatynda.

Chehııa Prezıdenti Mılosh Zeman óziniń quttyqtaý jedelhatynda saılaý Qasym-Jomart Toqaevtyń memleket basshysy retindegi berik baǵdaryn rastady jáne azamattardyń oǵan senimi joǵary ekenin kórsetti dep atap ótti.

«Men Sizdi osy jeńisińizben shyn júrekten quttyqtaımyn. Chehııa Respýblıkasy men Qazaqstan Respýblıkasy arasyndaǵy qarym-qatynastyń jyldar boıy dostyq sıpatqa negizdelgenine qýanyshtymyn. Ekijaqty yntymaqtastyq tek ekonomıkalyq salada ǵana emes, basqa da kóptegen baǵytta tabysty damyp keledi», dep jazdy Mılosh Zeman.

Sondaı-aq búgin Qasym-Jomart Toqaevtyń atyna Fransııa Prezıdenti Emmanıýel Makronnyń quttyqtaý jedelhaty kelip tústi.

«Qazaqstan 2019 jyldan beri saıası jáne ekonomıkalyq jańǵyrtý úderisin sátti júzege asyryp keledi. Muny biz zor qyzyǵýshylyqpen baqylap otyrmyz. Sizdiń qaıta saılanýyńyz osy mańyzdy istiń qarqynyn saqtaýǵa jáne Qazaqstan halqynyń múddesi úshin ózińiz jarııalaǵan reformalardy júzege asyrýǵa múmkindik beretinine senimdimin. Ortalyq Azııadaǵy óńirlik yntymaqtastyqty nyǵaıtýǵa eleýli úles qosyp júrgenińizden habardarmyn. Osy jolda Sizdi tolyqqandy qoldaımyn», dep jazdy Emmanıýel Makron.

Sońǵy jańalyqtar

Qaterli isikti emdeýdiń jańa ádisi

Medısına • Búgin, 21:15

Qaterli isikti emdeýdiń jańa ádisi

Medısına • Búgin, 21:15

Jumysshylarǵa suranys kóp

Qoǵam • Búgin, 21:09

Aıan týraly baıan

Rýhanııat • Búgin, 21:07

eGov Mobile qosymshasyna júginedi

Qoǵam • Búgin, 21:06

Qurylysty sıfrlandyrý deńgeıi tómen

Qazaqstan • Búgin, 21:05

Úzdikter anyqtaldy

Fýtbol • Búgin, 21:04

Jigitter jigersizdik tanytty

Sport • Búgin, 21:03

Fransııa – pleı-offta

Fýtbol • Búgin, 21:01

Baqyttyń mekenin ulyqtaǵan joba

Qoǵam • Búgin, 20:58

Aıazdaǵy apat

Aımaqtar • Búgin, 20:57

Arheolog asýlary

Qoǵam • Búgin, 20:54

Ekibastuz turǵyndary jylýsyz qaldy

Aımaqtar • Búgin, 10:52

ShQO-da taǵy birneshe jol jabyldy

Aımaqtar • Búgin, 10:42

27 qarashaǵa arnalǵan aýa raıy boljamy

Aýa raıy • Búgin, 09:13

Uqsas jańalyqtar