Atyraý oblysy sotynyń baspasóz qyzmeti habarlaǵandaı, Baqytgúl Hamenova men onyń qorǵaýshy tarapy apellıasııalyq shaǵym berý arqyly birinshi satydaǵy sottyń sheshimine narazylyq bildirdi.
«Birinshi satydaǵy sotqa Hamenovadan, onyń advokaty Vranchevtan apellıasııalyq shaǵym tústi. Biraq is áli alqanyń qaraýyna túsken joq», dep habarlady Atyraý oblystyq sotynyń baspasóz qyzmeti.
Eske salaıyq, 15 qarashada sot Atyraý oblysy ákiminiń burynǵy orynbasaryn para alǵany úshin kináli dep tanyp, jeti jylǵa bas bostandyǵynan aıyrǵan bolatyn. Sottalýshynyń jaza merzimi Baqytgúl Hamenovanyń kámeletke tolmaǵan balalary bolýyna baılanysty úsh jylǵa keıinge shegerildi.
Úkim jarııalanǵan soń, Hamenova sot zalynan bosatyldy. Aıta keteıik, is tergelip, sot tergeýi júrip jatqan kezde oblys ákiminiń eks-orynbasary qamaýda bolǵan.
