Zaǵıp jandardy jigerlendirdi

Ilkimdi sharaǵa Astana qala­synyń deneshynyqtyrý jáne sport basqarmasynyń basshysy Samat Jylqybaev, Sport jáne deneshynyqtyrý isteri komıtetiniń basqarma basshysy Muhamedjan Beknazarov, Parlament Májilisiniń depýtaty Maqpal Tájmaǵanbetova, Astana qalasynyń jáne Áziret Sultan meshitiniń bas ımamy Erbolat Nuryldauly, Dene múmkindigi shekteýli tulǵalarǵa arnalǵan sporttyq daıarlaý ortalyǵynyń orynbasary Ádilhan О́mirzaqov, belgili aıtys­ker aqyn Balǵynbek Imashev jáne «Kózimniń qara­sy» múgedekter qoǵamdyq bir­les­tiginiń tóraǵasy Júzbaı Serikuly qatysyp, sportshy­larǵa sáttilik tiledi.

Ashyq birinshilikte Astana qala­synyń deneshynyqtyrý jáne sport basqarmasynyń bas­shysy Samat Sábıtuly alǵy sóz alyp, quttyqtaý tilegin bil­dirdi. «Búgingi jarysymyz al­da kele jatqan ulttyq mereke Táýelsizdik kúnine oraılas­tyryldy. «Showdown» ústel ten­nısi elordada alǵash ret ótkizilip otyr. Endi astana­lyq zaǵıp jandar elimizde endi ǵana damý qarqynyn alǵan «Showdown» oıynyn ıgerip, respýblıkalyq, halyqara­lyq jarystarda top jarady degen senimdemin», deı kele múmkindigi shekteýli jandar arasyndaǵy «Showdown» ústel tennısiniń I qalalyq ashyq chempıonatyn ashyq dep ja­rııalady.

Al «Kózimniń qarasy» múge­dekter qoǵamdyq birlesti­giniń tóraǵasy Júzbaı Serikuly shet memleketterden osy oıyndy zerttep, Qazaqstanǵa ákelsem degen oıynyń júzege asqanyna qýanyp, aldaǵy ýaqytta 19-shy Dúnıejúzilik zaǵıp jandar kúnine oraı respýblıkalyq týrnır ótkizý josparymen bólis­ti. Mamandardyń aıtýyn­sha, Kanada, Germanııa, Bol­garııa sııaqty shet memleketter­de jaqsy damyǵan bul sport túri kóz janarynan aıyryl­ǵan zaǵıp jandardyń densaý­lyǵyna óte paıdaly. Iаǵnı estý qabiletimen qol-aıaq qozǵalysy jumystaryn jaqsartady.

Álemdik deńgeıdegi jarys­tar­ǵa qatysý úshin otan­dyq qurama komanda jasaq­taý maqsatynda uıymdastyryl­ǵan chempıonattyń jeńim­paz­­dary arnaıy dıplomdarmen, medaldarmen, syılyq­tar jáne kýboktarmen marapattaldy. Sondaı-aq barsha qatysýshylarǵa demeýshiler tarapynan qarjylaı syı-qurmet kórsetildi.

Aıta keteıik, sharapaty mol sharany uıymdastyrýshy­lar Astanada birinshi ret ótkizil­gen jarysty aldaǵy ýaqytta elimizdiń basqa da óńirlerinde irikteý kezeńin ót­kizip, respýblıkalyq týrnır ótkizýdi josparlap otyr.