2020 jyldyń basynda Gonkong bıligi koronavırýstyq ınfeksııanyń taralýyn boldyrmaý úshin Qytaımen shekaralyq ótkelderdiń kópshiligin japty.
Qazirgi shekteýlerge sáıkes, Qytaı materıgine Gonkongtan kirý tek qalalyq áýejaı, Shenchjen shyǵanaǵy shekaralyq ótkel jáne Gonkong-Chjýhaı-Makao kópiri arqyly ǵana múmkin bolady.
Qarasha aıynda Qytaıdyń Qazaqstandaǵy elshiligi men Bas konsýldyǵy elge keletinderge HS densaýlyq kodyn alý talaptaryn jańartty. Endi Qazaqstannan Qytaıǵa tikeleı reıspen ushatyn jolaýshylar sapar aldynda 48 saǵat ishinde Qazaqstan Respýblıkasynyń aýmaǵynda resmı tirkelgen zerthanada bir ret PTR-synamadan ótýi jetkilikti. Keri sanaq bıomaterıal alynǵan sátten bastalady.
Budan buryn habarlanǵandaı, osy jyldyń 23 jeltoqsanynan bastap Qytaıdyń China Southern Airlines áýe kompanııasy V-738 ushaǵymen aptasyna bir reıs jıiligimen Almaty-Sıan baǵyty boıynsha turaqty jolaýshylar reısin oryndaýdy josparlap otyr.
