Almaty oblysy prokýratýrasynyń málimetinshe, Ile, Qarasaı, Talǵar, Eńbekshiqazaq oblystary men Qonaev qalasy ákimdikteriniń basshylary ákimshilik jaýapkershilikke tartyldy. Olardyń árqaısysyna 100 AEK (306 300 teńge) kóleminde aıyppul salyndy.
Almaty oblysy aýmaǵynda ózdiginen paıda bolatyn 351 qoqys úıindisi anyqtaldy. Atap aıtqanda, Eńbekshiqazaq aýdanynda – 61, Ilede – 91, Qarasaıda – 56, Talǵarda – 33 jáne Qonaev qalasynda – 85. Onyń ishinde 247 úıindiler joıyldy, 104-i joıylmady.
«Jergilikti atqarýshy organdar tarapynan baqylaýdyń joqtyǵynan úıindiler uzaq ýaqyt boıy jınaqtalady, bul kóptegen keleńsiz zardaptarǵa ákep soǵady: topyraq pen aýanyń lastanýy, sanıtarlyq jaǵdaıdyń nasharlaýy», dedi Almaty oblysynyń prokýratýrasynan.
Sondaı-aq jeltoqsannyń 26-sy kúni «Nurly jol» vokzalynyń mańynda iri gıpermarket mańynda ruqsat etilmegen medısınalyq qaldyqtar úıindisi anyqtalǵan edi.
