Týrnır úsh kún boıy – 26-28 jeltoqsan aralyǵynda Almatyda ótti. Oǵan Qytaı, Úndistan, Reseı jáne t.b. shahmattan dástúrli myqty elderdiń atynan shyqqan álemniń úzdik sportshylary qatysty.
Rapıd – oılaýdyń ýaqyty shekteýli oıyn túri. Almatydaǵy týrnırlik qashyqtyq 11 týrdan turdy. Berilgen ýaqyt - búkil oıyn úshin árbir qatysýshyǵa 15 mınýt + 10 sekýnd.
Týrnır barysynda qazaqstandyq qazirgi kezdegi álemniń eń myqty shahmatshylarynyń biri reseılik Aleksandra Gorıachkınany jeńdi.
Týrnırlik qashyqtyqty baǵyndyrǵan Qazaqstan sportshysy qytaılyq Tan Chjýnımen birdeı upaı jınady - 11 múmkin upaıdyń 8,5-i. Upaı sany birdeı bolǵan qyzdar chempıonattyń 1-shi jáne 2-shi oryndaryn ózara bólýge májbúr boldy. Mundaı jaǵdaılarda árqashan taı-breık oınalady. Birinshi oıynda teń túsip, ekinshi oıynda qazaqstandyq jeńilip qaldy. Aıta keteıik, taı-breıkke deıin Tan Chjýnı dopıng-test tapsyrýdan bas tartqan bolatyn. Oıyndardy erterek aıaqtaǵan Dınara prosedýradan ótti.
Qazaqstandyq eń bedeldi halyqaralyq grossmeısterlerdiń biri - ýkraınalyq Aleksandr Areshenkomen seriktestikte jumys isteıdi. Ol Dınaranyń daıyndyǵyn jaqsy dep baǵalady.
Sondaı-aq qazirgi otbasylyq jaǵdaıǵa baılanysty Dınara Sádýaqasova kelesi 29 jáne 30 jeltoqsanda Almatyda ótetin blısten álem chempıonatyna, sondaı-aq jarystyń resmı jabylýyna qatysa almaıdy. Sportshy qyz áriptesterine aldaǵy oıyndarda sáttilik tilep, týrnırdi uıymdastyrýshylarǵa alǵysyn bildirdi.
