Premer-mınıstrdiń orynbasary atap ótkendeı, qańtar aıyndaǵy tártipsizdikter eldiń 8 óńirindegi 42 memlekettik ǵımaratqa zaqym keltirgen.
«Olardyń biri - Prezıdenttiń Almatydaǵy rezıdensııasy. О́zderińiz biletindeı, ol nysan qalpyna keltirilmeıdi. Osy 41 nysandy qalpyna keltirý úshin búginde 31 mıllıon 100 mıllıon teńge bólingen. 37 nysan qalpyna keltirildi, osy aıda Jetisý oblysy ákiminiń ǵımaraty qalpyna keltiriledi. Al naýryz aıynda Almatydaǵy Bas prokýratýranyń Quqyqtyq statıstıka ortalyǵynyń ǵımaraty men Almaty ákimi ǵımaraty qalpyna keltiriledi», dep naqtylady Roman Sklıar.
Onyń aıtýynsha, Almatydaǵy Teleradıokeshen qaıta qalpyna keltirýge jatpaıdy.
Sondaı-aq Roman Sklıar 350 kommersııalyq nysan zardap shekkenin qosa aıtty.
«Búginde barlyq kommersııalyq nysan qalpyna keltirildi. 1789 kásipkerlik sýbektisi zalaldy tikeleı óteýge ótinim berdi. Shaǵyn jáne orta bıznes obektilerine keltirilgen zalal 16 mıllıard 700 mıllıon teńge kóleminde óteldi», dedi R. Sklıar.
