Áńgimelesý barysynda memleket basshylary Qazaqstan men Tájikstan arasynda dıplomatııalyq qatynastardyń ornaǵanyna 30 jyl tolýyna oraı birin-biri quttyqtady.
Prezıdentter osy jyldary eki el arasynda kópjaqty jáne ózara tıimdi memleketaralyq baılanystar jolǵa qoıylǵanyn atap ótip, qatynastardyń strategııalyq seriktestik rýhynda nyǵaıyp kele jatqanyn jetkizdi.
Taraptar saýda-ekonomıkalyq jáne mádenı-gýmanıtarlyq salalardaǵy qarym-qatynastardyń, sondaı-aq Qazaqstan men Tájikstannyń halyqaralyq uıymdar aıasyndaǵy tyǵyz yntymaqtastyǵy qarqyndy damyp kele jatqanyna nazar aýdardy.
Qasym-Jomart Toqaev pen Emomalı Rahmon qazaq-tájik qatynastaryn odan ári nyǵaıtý jónindegi birlesken jumystardy jalǵastyrýǵa daıyn ekenin taǵy da naqtylady.
