Elimizdegi epıdemııalyq ahýal

Bas memlekettik sanıtarııalyq dáriger byl­tyr qarasha aıynyń sońynan bastap syr­qat­tan­ý­shylyqtyń ósýi baıqalsa, jeltoq­san aıynda syrqattanǵandardyń ortasha táýlik­tik sany KVI+ 200-ge deıin jáne KVI- 10-ǵa deıingi jaǵdaıdy quraǵanyn jetkizdi. Epıdemıologııalyq jaǵdaıdy baǵalaý matrısasyna sáıkes respýblıka jáne barlyq óńir jasyl aımaqta ornalasqan. Respýblıka boıynsha jáne Pavlodar oblysyn qospaǵanda, 19 óńirde ınfeksııanyń taralý kórsetkishi (R) birlikten tómen. Al bólingen shtamdardyń sońǵy rettiligi respýblıkada 100 paıyz jaǵdaıda Covid-19 Omıkron nusqasynyń aınalymy anyqtalǵanyn kórsetken. «Eli­mizde jáne álemde koronavırýs­pen syr­qattanýshylyqtyń ósýine baılanysty qo­symsha shekteý sharalaryn engizý týraly BAQ-tyń kóptegen suraýyn eskere otyryp, Qazaqstanda elge kirý kezinde de, álemniń kez kelgen eline, onyń ishinde QHR-ǵa shyǵý kezinde de qandaı da bir shekteý sharalaryn engizý josparlanbaıdy», dedi Bas memlekettik sanıtarııalyq dáriger.

Sonymen qatar A.Esmaǵambetova halyqqa ýaqtyly vaksınalaýdy jáne revaksınalaýdy, adam kóp jınalatyn oryndarda betperdeni paıdalanýdy, ondaı oryndarǵa barýdy shekteýdi, qol­dy óńdeý úshin antıseptıkterdi nemese de­zın­fek­sııalyq maılyqtardy paıdalanýdy usyndy.