«2023 jyly yntymaqtastyqtyń negizgi aspektisi BUU Bas Assambleıasy deńgeıinde alǵashqy medısınalyq-sanıtarlyq kómek boıynsha Astana deklarasııasyn ilgeriletý bolady. DDU basshylyǵymen qol jetkizilgen ýaǵdalastyqtarǵa baılanysty 2023 jyldyń 24-26 qazanynda elordada DDU Eýropalyq óńirlik komıtetiniń 73-sessııasyn ótkizý týraly sheshim qabyldandy», dedi vedomstvo basshysy densaýlyq saqtaý mınıstrliginiń alqasynda.
Ajar Ǵınııat sessııa DDU-nyń 75 jyldyq mereıtoıyn, Almaty deklarasııasynyń qabyldanǵanyna 45 jyl tolýyn jáne alǵashqy medısınalyq-sanıtarlyq kómek boıynsha Astana deklarasııasynyń qabyldanǵanyna 5 jyl tolýyn merekeleýge oraılastyrylatynyn atap ótti.
