Qalada qar tazalaý jumysyna eki myńǵa jýyq jol jumysshy men myńǵa jýyq arnaıy tehnıka jumyldyrylǵan.
11 qańtarǵa qaraǵan túni elordadan 6,5 myń tekshe metr qar shyǵaryldy, bul 537 aýyr júk kólemine teń.
Qystyń basynan beri barlyǵy 1,8 mln tekshe metr qar shyǵaryldy, ol úshin qar polıgondaryna 140 myńǵa jýyq reıs jasaldy.
Esterińizge sala keteıik, bul kúnderi Astanada sarshunaq aıaz ornap tur, termometr baǵany -30 gradýstan tómen kórsetip tur. Qala turǵyndary men qonaqtary mundaı jaǵdaıda abaı bolýy, kóktaıǵaq kezinde qozǵalys erejelerin qatań saqtaýy jáne jaraqat pen úsiktiń aldyn alý úshin kóshede uzaq ýaqyt bolmaýy qajet.
