«Shabýyl jasaýshylar standartty shema boıynsha áreket etken. Olar aýlalardy aralap, kópqabatty úılerdiń terezeleri men kireberisterin qarap, páterde bireýdiń bar-joǵyn tekserip, kireberiske kirip, kiltti tańdap nemese qulypty buzyp esikti ashqan. Barlyq qundy zattardy – aqshany, usaq-túıek buıymdardy, túrli zergerlik buıymdardy alyp ketip otyrǵan. Biri bótenniń úıin tonasa, ekinshisi kólikte kútip otyrǵan», dedi Almaty qalalyq polısııa departamenti Krımınaldyq polısııa basqarmasynyń bastyǵy Qýatbek Naýatov.
Onyń aıtýynsha, kúdiktiler 1996 jáne 2000 jyly týǵan. Olar polısııa arnaıy jasaqtarynyń kómegimen Bostandyq aýdany PB, UQK arnaıy jasaǵynyń qyzmetkerleri jedel-izdestirý is-sharalary barysynda ustaldy.
Sońǵy urlyq kezinde páter tonaýshylar sandyq jabdyqtar men aqsha alyp ketken. Kúdiktiler zattaı aıǵaqtardan qutylyp úlgermegen. Olar ustaý kezinde qylmystyq iske qosyldy.
«Ustalǵandardyń biri Qazaqstannyń basqa aımaqtarynda birqatar urlyq jasaǵany úshin halyqaralyq izdeýde bolǵan. Qazir ekeýiniń de osyǵan uqsas qylmystarǵa qatysy bar-joǵy tekserilýde», dedi polısııa basshysy.
Qylmys jasaǵandar ýaqytsha ustaý ızolıatoryna qamaldy. Qazirgi ýaqytta QR Qylmystyq kodeksiniń 188-babynyń 3-bóligi boıynsha sotqa deıingi tergeý amaldary júrgizilip jatyr..
