Eki oqıǵaǵa da qaladaǵy kolledjderdiń birinde oqıtyn kámeletke tolmaǵan stýdentter qatysqan.
«Bul derekter áleýmettik jelilerge júrgizilgen monıtorıng barysynda anyqtaldy. Birinshi jaǵdaıda oqıǵanyń 15 jastaǵy qatysýshylary vıdeonyń 2022 jyldyń aqpanynda túsirilgenin habarlady. Olar óz kinálaryn tolyq moıyndady. Qyzdardyń ata-analaryna qatysty QR ÁQbK-niń 127, 435-baby boıynsha ákimshilik hattamalar toltyryldy. Bıylǵy jyldyń 4 qańtarynda «Uljan» yqshamaýdanynda qyzdyń denesine zaqym keltirgen taǵy úsh qyzdyń ata-anasyna da osyndaı sharalar qoldanyldy. Tóbeleske qatysýshylar tirkeýge alynyp, ıývenaldy polısııa ınspektorlarynyń baqylaýynda bolady», dedi Alataý aýdandyq polısııa basqarmasynyń bastyǵy, polısııa polkovnıgi Talǵat Berkinbaev.
