Kelissóz barysynda qazaqstandyq dıplomat elimizdegi ishki saıası jáne áleýmettik-ekonomıkalyq jaǵdaı týraly, sondaı-aq Prezıdent Qasym-Jomart Toqaevtyń «Ádiletti Qazaqstandy» qurýǵa baǵyttalǵan reformalary men bastamalaryn júzege asyrý barysy jaıynda baıandady.
Taraptar energetıka, kólik jáne logıstıkalyq yntymaqtastyqqa erekshe nazar aýdara otyryp, ekijaqty qarym-qatynastardyń jaı-kúıi men olardy tereńdetý perspektıvalaryn talqylady.
«Rýmynııa Premer-mınıstriniń Memlekettik keńesshisi Qazaqstan ekijaqty formatta da, EO-Qazaqstan baǵyty boıynsha da Rýmynııanyń Ortalyq Azııadaǵy negizgi seriktesi ekenin atap ótti. Bul rette Memlekettik keńesshi Premer-mınıstr keńsesi elshiliktiń bastamalaryn qoldaıtynyn jáne eki jaqqa da tıimdi, ásirese saýda-ekonomıkalyq saladaǵy jobalardy jandandyrýǵa kómektesýge daıyn ekenin jetkizdi», dep jazylǵan Qazaqstannyń Syrtqy ister mınıstrligi taratqan habarlamada.
Sondaı-aq olar mádenı sharalardyń júzege asyrylýyn, atap aıtqanda, Rýmynııada qazaqtyń uly kompozıtory Qurmanǵazynyń jáne Qazaqstanda rýmynnyń uly kompozıtory Djordj Eneský bıýstileriniń ashylýyn talqylady.
