«Qazaqstan Respýblıkasynyń aýmaǵynan pııazdy (Eýrazııalyq ekonomıkalyq odaqtyń syrtqy ekonomıkalyq qyzmetiniń biryńǵaı taýar nomenklatýrasynyń kody 070310), onyń ishinde EAEO-ǵa múshe memleketterge áketýge úsh aı merzimge tyıym salý engizilsin», delingen qujatta.
Joba syrtqy saýda saıasaty jáne ekonomıkalyq uıymdarǵa qatysý máseleleri jónindegi vedomstvoaralyq komıssııanyń Qazaqstannan pııazdy jappaı áketýdi boldyrmaý jáne oǵan baǵany turaqtandyrý úshin úsh aı merzimge pııaz eksportyna tyıym salý týraly sheshimin iske asyrý sheńberinde daıyndalǵan.
Qujat 2023 jyldyń 24 qańtaryna deıin Ashyq NQA saıtynda ornalastyrylǵan.
17 qańtarda Aýyl sharýashylyǵy mınıstrligi syrtqy saýda saıasaty jáne ekonomıkalyq uıymdarǵa qatysý máseleleri jónindegi vedomstvoaralyq komıssııa úsh aı merzimge pııaz eksportyna tyıym salý týraly sheshim qabyldaǵanyn habarlaǵan edi.
