«Búgin biz Astananyń keıbir kóshelerine ataý berý jáne qaıta ataý týraly usynystardy talqylaımyz. Jobalyq ataý boıynsha, A-23 kóshesine Ekinshi dúnıejúzilik soǵysqa qatysqan, maıdanger, belgili jýrnalıst Ásken Nábıevtiń esimi, A-24 kóshesine Qazaqstan Memlekettik syılyǵynyń laýreaty Syrbaı Máýlenovtyń esimi, E-12 kóshesine Keńes Odaǵynyń Batyry Mánshúk Mámetovanyń esimi, E-20 kóshesine Ulttyq ǵylym akademııasynyń akademıgi Shapyq Shokınniń esimi, E-753 kóshesine belgili memleket jáne qoǵam qaıratkeri, tarıhshy, doktor, professor Sanjar Asfendııarovtyń esimi, №187 kóshege balalar ádebıetiniń belgili ókili, klassık jazýshy Berdibek Soqpaqtaevtiń esimi, №189 kóshege Mysyrdy bılegen qazaq dalasynyń týmasy Sultan Beıbarystyń esimin berý josparlanyp otyr», dedi Sáken Esirkep.
Sondaı-aq №23-16 kósheleri men Maǵjan Jumabaev dańǵylyn biriktirip, jalpy ataýyn Maǵjan Jumabaev dańǵyly dep ózgertý usynyldy. Elordanyń oń jaǵalaýyndaǵy burynǵy M.Mámetova kóshesin Ile ózeniniń boıynda ornalasqan ortaǵasyrlyq qalanyń atymen Qaramergen dep ataý usynylady. Buqar jyraý kóshesine, ıaǵnı Saýran kóshesiniń Botanıkalyq baqtan Mega Silkway saýda ortalyǵyna deıingi qysqa bóligine Geıdar Álıev esimin berý usynyldy.
